02/08/2008 - A vigência da tortura nom Estado espanhol tivo na semana passada mais umha prova da sua continuidade. Dous dos cidadáns bascos detidos e incomunicados durante cinco dias polo instituto armado espanhol anunciavam em rolda de imprensa a apresentaçom dumha denúncia por torturas. Golpes, ameaças de violaçom e a aplicaçom da “saca” (asfíxia por meio dumha saca em que se introduz a cabeça encerrando-a polo pescoço) fôrom alguns dos tratamentos recebidos durante “os piores dias da nossa vida”.

30/07/2008 - Nengumha agressom deve ficar sem resposta. Os quatro pres@s independentistas galeg@s farám um novo jejum de 24 h. para denunciar a agressom de que foi objecto o militante galego Sánti Vigo no passado 22 de Julho. A iniciativa colectiva vem contestar a estratégia que a direcçom de Aranjuez está a aplicar ao preso independentista galego, consistente numha acossa e umha violência sistemáticas que visam desequilibrar o preso político galego e construir um perfil de ‘preso conflitivo’ que permita aplicar no futuro medidas repressivas ainda mais duras.

30/07/2008 - Oferecemos aos nossos leitores e leitoras o trabalho audiovisual editado polo colectivo GzVídeos sobre a ‘I Cadeia Humana pola Liberdade dos Presos e Presas Políticas Galegas’. Trata-se dum documento que reflite o decurso da mobilizaçom pola repatriaçom e a liberdade dos presos e presas políticas galegas celebrado no passado 26 de Julho na capital. As imagens valem neste caso mais do que mil palavras. Apenas utilizar estas últimas para agradecer profundamente a GzVídeos e gzi/Novas o excelente trabalho desenvolvido e a possibilidade de que milhares de galegos e galegas ‘olhem’ esta iniciativa anti-repressiva de Ceivar.

29/07/2008 - Por volta de 160 pessoas assistimos no passado 26 de Julho ao acto de reconhecimento popular à activista contra a repressom Josefa Seoane Vaz, mais conhecida por ‘Pepita’ ou ‘Pépis’, umha veterana no compromisso com @s pres@s polític@s de qualquer país e na denúncia do sistema penitenciário espanhol. À celebraçom do acto na Praça das Cunchinhas seguiu umha ceia na taverna Grade da Corunha.

29/07/2008 - Traduzido ao galego-português a partir do texto publicado no jornal espanhol ‘El Otro País’, apresentamos hoje o artigo titulado ‘A tortura como instrumento político’ em que se fai umha análise da vigência deste método de repressom como umha parte essencial do regime espanhol e da própria ‘luita antiterrorista’ que este pratica contra os movimentos de liberaçom nacional e social presentes nos territórios que administra. Mais umha voz a denunciar o que é tam negado quanto evidente, como demonstra o tratamento repressivo de que foi objecto recentemente o preso independentista galego Sánti Vigo em Aranjuez.