16/01/2010 - Publicamos hoje o comunicado lido na tarde de onte nas sete concentraçons de solidariedade anti-repressiva que se celebrárom nos principais núcleos urbanos do País. O texto recolhe a informaçom existente à hora dos actos solidários, assim como umha valorizaçom política superficial dos acontecimentos ocorridos desde a detençom de Jurjo Rodrigues e Óscar Sanches.

16/01/2010 - A mobilizaçom de solidariedade com os independentistas detidos na madrugada de onte em Salcedo activou-se nos principais núcleos da Galiza em apenas 36 horas desde que começou a circular a notícia da detençom. A participaçom de quase 250 solidári@s nas cidades galegas estivo acompanhada em todos os casos do controlo policial explícito ou através de polícias à paisana. No entanto, as FSE nom provocárom incidentes ressenháveis além de seguimentos e controlos. Oferecemos a continuaçom umha breve sinopse do decurso das mobilizaçons em todo o País, à vez que os nossos sinceros parabéns às dezenas de homes e mulheres que figérom possível a dinámica solidária das últimas 40 horas.

15/01/2010 - A falta de maiores concreçons sobre a informaçom, confirmamos que os independentistas galegos detidos pola Polícia espanhola na paróquia de Salcedo na madrugada de onte fôrom enviados a prisom nesta manhá. Óscar S. B. foi dispersado ao centro penitenciário de Soto del Real em Madrid e Jurjo R. O. ao centro de menores de Los Rosales em Carabanchel. Engadiremos novos dados sobre esta mesma informaçom a medida que os recabemos nas próximas horas. Do organismo popular anti-repressivo chamamos, se calhar, com mais intensidade, a umha ampla participaçom nas concentraçons e actos convocados para esrta tarde.

15/01/2010 - Se a repressom policial e judicial tem o seu protocolo, do trabalho anti-repressivo independentista também dispomos do nosso próprio. Aliás, dumha notável capacidade de mobilizaçom, como reconhecia recentemente a própria ‘Guardia Civil’ no juízo contra José M. Sanches e Sánti Vigo em Madrid. A activaçom deste valor que caracteriza o independentismo galego iniciava-se onte a escassas horas de conhecer-se que dous militantes foram interceptados pola Polícia espanhola num controlo de estrada. Colagem de cartazes informativos, colocaçom de faixas, correios, SMS e a convocatória de sete concentraçons contra a repressom som o prelúdio das mobilizaçons que se produzirám nas ruas galegas na tarde de hoje

14/01/2010 - Jurjo R. O. e Óscar S. B. sairám nesta noite em direcçom a Madrid. Após as gestons desenvolvidas nesta tarde pola Polícia espanhola e os julgados ordinários, os dous militantes independentistas partirám para a capital de Espanha. Aguarda-se que sejam postos a disposiçom dos juízes da ‘Audiencia Nacional’ na manhá do dia 15. Concretamente, Jurjo R. O. será conduzido ao Julgado Central de Menores e Óscar S. B. ao Julgado Central nº 4 do tribunal de excepçom. Os magistrados das respectivas salas determinarám a situaçom penal de ambos patriotas galegos.