14/01/2010 - Se nos fiássemos das argumentaçons que às vezes se coam cándida ou desvergonhadamente na imprensa comercial tipificando como “terrorismo” ou “gamberrada” um facto delitivo segundo qual seja o pensamento que o inspira e impulsiona, concluiriamos que “terrorista” só é aquel transgressor grave da norma legal que tem motivaçons políticas e ideológicas para agir da forma em que o fai.

14/01/2010 - [Últimas informaçons] Efectivos da Polícia espanhola em Ponte Vedra deslocárom-se na tarde de hoje até a cidade de Vigo para praticar registos domiciliários nas moradas de Jurjo R. O. e Óscar S. B. (este é o nome da segunda pessoa detida, segundo parece confirmar-se por volta das 19:00 h. da tarde). O domicílio de Óscar S. B. foi registado a primeira hora enquanto o de Jurjo R. O. fazia-o por volta das 18:00 aprox. Ambos militantes acompanhárom os agentes policiais à prática dos registos e estivérom assistidos polo advogado nomeado por ambos.

14/01/2010 - Segundo a informaçom procedente da Agência EFE que facilita hoje o jornal ‘La Voz de Galicia’ na sua ediçom digital às 13:12 h., a Polícia espanhola detivo dous independentistas galegos por volta das 3:00 h. da passada madrugada num controlo policial “preventivo” que se liga às medidas de controlo excepcionais ligadas à presidência espanhola da UE. Segundo esta fonte, as detençons praticárom-se em Ponte Vedra e os detidos portariam “um artefacto explosivo de fabricaçom caseira”.

10/01/2010 - A política de aplicar registos corporais a familiares e amig@s de presos e presas políticas continua activa no macro-cárcere de Teixeiro. O preso independentista galego Ugio Caamanho adoptará por este motivo novas medidas de protesto. Caamanho encerrará-se na sua cela no primeiro e segundo dia desta semana para reivindicar a paralisaçom deste tipo de tratamento humilhante e desnecessário que a prisom aplica aos seus familiares e companheir@s.

22/12/2009 - Como informamos onte, publicamos os horários e locais de saída para a IV Marcha pola Liberdade. Recordamos que a marcha anual pola liberdade dos presos e presas independentistas galegas partirá às 12:00 h. da gasolineira dos Morangueiros situada a aproximadamente dous quilómetros da prisom espanhola de Teixeiro até a que nos deslocaremos a pé. É neste centro penitenciário que na actualidade se encontra preso o patriota galego Ugio Caamanho.