09/10/2009 - O caso de Santiago Vigo e José Manuel Sanches bem pode servir como botom de mostra de como funciona a Justiça no Estado espanhol. Particularmente, quando de presos de natureza política se tratar. Trás a alegria do retorno e a preparaçom do recebimento nacional, é tempo para valorizaçons em frio desde a análise dos dados objectivos. A primeira evidência que aparece ante as nossas olhadas é que ambos militantes independentistas estivérom privados de liberdade 294 dias mais que os fixados pola sentença que vem de ditar a ‘Audiencia Nacional’.

08/10/2009 - Reproduzimos hoje, traduzido para o galego, um fragmento do artigo ‘A Solidariedade, ante os tribunais’ redigido polo advogado basco e militante contra a repressom política Julen Arzuaga. Bem sabemos que os tempos da repressom som diferentes nas distintas latitudes do Estado espanhol e que a aplicaçom das leis é elástica segundo necessidades políticas e de estratégia. Contodo, ainda assim, nom deveriamos desconsiderar os cenários que já som realidade para o activista basco. O artigo completo está na ligaçom que aparece ao pé da notícia.

08/10/2009 - Já há data para o recebimento popular aos ex presos independentistas Santiago Vigo Domingues e José Manuel Sanches Gorgas. Ambos militantes galegos serám homenageiados no próximo sábado 17 de Outubro às 20:00 h. na Praça do Toral de Compostela depois de 659 dias privados de liberdade. A publicaçom da sentença da ‘Audiencia Nacional’ que os condena a 365 dias de prisom demonstra, mais umha vez, ao igual que no caso anterior de Giana Gomes, que o tribunal de excepçom e a ‘Dirección General de Instituciones Penitenciarias’ prolongárom o tempo de cárcere de ambos militantes por cima da condena fixada finalmente.

05/10/2009 - Segundo notificaçom que vimos de receber dos advogados, os presos independentistas galegos José Manuel Sanches e Santiago Vigo abandonárom nesta tarde em liberdade a prisom espanhola de Valdemoro. A falta de dados mais concretos a respeito da sua situaçom penal, dos que informaremos em quanto seja possível, apenas confirmar a notícia da excarceraçom de ambos patriotas galegos.

05/10/2009 - O juízo celebrado onte na 'Audiencia Nacional' espanhola contra os independentistas galegos José Manuel Sanches Gorgas e Santiago Vigo Domingues foi, se calhar, um exemplo prático do que é um juízo político num tribunal de excepçom. Mais umha vez, mas agora num julgado, o independentismo galego era tratado sem matizes nem rubor como “terrorismo”, ao tempo que informes políticos da 'Guardia Civil', afirmaçons indemonstráveis e meias verdades se convertiam nas principais provas de cargo para exigir penas de 5 anos de prisom para dous jovens independentistas.