01/10/2009 - Recebemos hoje um comunicado conjunto da organizaçom independentista bretoa Emgann e do colectivo bretom de solidariedade com o nosso País ‘Povos Irmaos, Luitas Irmás’. Nele, Emgann e o citado colectivo animam a “romper o cerco mediático” e convidam a “apoiar as acçons anti-repressivas” que se produzem por toda a parte na Galiza durante as últimas semanas. Reproduzimos na íntegra em galego e francês o texto que enviam @s independentistas bretons e bretoas agradecendo esta mostra de solidariedade entre os nossos povos.

01/10/2009 - As paróquias de Teis e Cabral amanecêrom onte com faixas reivindicativas ante o processamento de independentistas galegos na ‘Audiencia Nacional’. Solidári@s anónim@s figérom chegar ao nosso portal um dosier de imagens que informam do trabalho realizado em ambas paróquias viguesas. A reivindicaçom da liberdade para os militantes cujo juízo político se inicia amanhá na capital de Espanha e a demanda da sua repatriaçom imediata som os dous eixos nos que pivota a iniciativa d@s voluntári@s.

29/09/2009 - A campanha de solidariedade com os militantes independentistas que serám julgados em Madrid no próximo 2 de Outubro entrou na sua recta final marcada polo intenso trabalho de voluntári@s e militantes e o onipresente seguimento policial que se saldará com mais umha fornada de sançons administrativos abertas pola ‘Delegación del Gobierno de España’. A fim-de-semana passada foi ocasiom para as concentraçons e a celebraçom de ceias nalguns dos principais núcleos urbanos do País para tensionar as forças com vistas à viagem a Madrid.

24/09/2009 - Entrada já a semana prévia ao juízo político contra José Manuel Sanches e Santiago Vigo na ‘Audiencia Nacional’, a campanha de denúncia e mobilizaçom iniciada neste mês inicia a sua recta final. Ao intenso trabalho que estám a desenvolver dezenas de voluntári@s e militantes do nosso organismo nas últimas semanas soma-se agora a celebraçom de concentraçons anti-repressivas nas principais cidades galegas. Publicamos a seguir o programa de actos nestes dias a falta de outras iniciativas que se convoquem proximamente.

24/09/2009 - Mais umha vez, as dezenas de pessoas que nestes dias estám a participar na campanha nacional de solidariedade com os independentistas galegos Santiago Vigo e José Manuel Sanches comprovam a baixíssima qualidade democrática do regime actual. O trabalho informativo que militantes e voluntários desenvolvem em todo o País está a ser submetido a contínuas persecuçons, identificaçons e registos de veículos e pertenças por parte de agentes da Polícia espanhola, Polícias Municipais e ‘Guardia Civil’.