23/09/2009 - Guiados pola experiência do ano passado e polas previsons que esta indica num primeiro momento o autocarro que se deslocará a Madrid para exprimir a solidariedade galega com os dous independentistas julgados na ‘Audiencia Nacional’ partirá de Compostela por volta das 23:00 h. do dia 1 de Outubro. O veículo terá umha única paragem antes de saír do País às 00:30 h. do dia 2 na estaçom de autocarros de Ourense, para dirigir-se a continuaçom à capital de Espanha à que aguardamos chegar com as primeiras luzes do dia. De haver gente para encher dous ou mais autocarros haveria umha modificaçom no percorrido. Ficando um rota polo norte do país (Ferrol, Corunha, Lugo) e outra polo sul partindo desde Compostela (Ponte Vedra, Vigo, Ourense. Este suposto será confirmado polo organismo dias antes da viagem.

22/09/2009 - A presente informaçom tem como destinatárias exclusivas as pessoas sancionadas economicamente nos últimos meses pola ‘Delegación del Gobierno de España’ por participar na oposiçom popular ao grupo ultraespanholista ‘Galicia Bilingüe’. Concretamente, aquelas que utilizárom o recurso disponibilizado neste mesmo web para recorrer as citadas multas governamentais.

21/09/2009 - Como mais umha das iniciativas que estamos a despregar nas últimas semanas para denunciar o processamento de independentistas galegos na ‘Audiencia Nacional’, Ceivar convocou para esta quarta-feira 23 de Setembro no centro social O Pichel umha rolda de imprensa colectiva na que se informará sobre a situaçom em que se encontram os patriotas galegos José Manuel Sanches Gorgas e Santiago Vigo Domingues, assim como do juízo a que serám submetidos no próximo 2 de Outubro e as iniciativas de solidariedade que se estám a desenvolver em toda a Galiza.

17/09/2009 - Nesta manhá celebrou-se a vista contra Zélia G., jornalista e activista do colectivo de informaçom audiovisual [GZvídeos] acusada por efectivos ‘antidistúrbios’ de ter gritado as palavras-de-ordem “ETA: mátalos”, “Policía asesina” e “Torturadores” durante a Cadeia Humana pola Liberdade d@s Pres@s Independentistas celebrada em 2008. Vinte pessoas concentrárom-se no exterior do edifício judicial para exprimir a sua solidariedade à jornalista galega.

16/09/2009 - A militante independentista M. R. L. foi detida em 1 de Agosto em Cangas do Morraço acusada de “danos” e “desordens públicas” polo instituto armado espanhol. Ambas imputaçons produzidas após o ataque a um caixeiro de Caixanova. Embora M. R. L. está pendente de juízo e, portanto, sem responsabilidade penal, a detençom e acusaçons da ‘Guardia Civil’ fôrom motivo mais do que suficiente para que a direcçom de A Nosa Terra, meio em que M. R. L. fazia as práticas como estudante de Jornalismo, decidisse o despedimento fulminante da trabalhadora.