02/06/2009 - Mais umha vez, @s companheir@s de [GZvídeos] fam os seus deveres com prontitude, e a escassas horas de que por parte da ‘Subdelegación del Gobierno de España’ em Ponte Vedra se inicie um novo ciclo de repressom contra a oposiçom vizinhal ao porto desportivo do Salgueirom, já dispomos de imagens gráficas sobre as detençons de Tiago P. e Aurélio L., respectivamente, porta-voz do Foro Social de Cangas e activista da rede A Ria nom se Vende. Mais umha vez, também, as câmaras dam testemunha de como a ‘Guardia Civil’ protege a realizaçom dumha infraestrutura ilegal e pune a contestaçom do povo.

01/06/2009 - Efectivos de diversos corpos policiais empregam-se a fundo na capital para invisibilizar mais umha vez qualquer sinal de dissidência política. Neste caso, trata-se de impedir que a campanha eleitoral da candidatura Iniciativa Internacionalista- A Solidariedade entre os Povos tenha expressom nos espaços públicos. Finalmente, a ilegalizaçom que nom decretou o ‘Tribunal Constitucional’ de Espanha parece que pretendem impo-la pola via dos factos os corpos policiais espanhóis deslocados na capital galega.

01/06/2009 - Os três detidos em Cangas do Morraço nesta manhá fôrom postos a disposiçom judicial por volta das 15:00 h. da tarde após passarem seis horas no quartel da ‘Guardia Civil’ da vila. Aurélio L. saiu com cárregos de “coacçons” à empresa que está a realizar um aterramento ilegal na praia do Salgueirom para construir um porto desportivo. Tiago P., do Foro Social de Cangas, foi denunciado também por “coacçons” e “desobediência à autoridade” e, por último, A. Sangabriel, que se achegou ao quartel para solicitar informaçom sobre os anteriores, foi acusado também de “coaccionar” a empresa que realiza o aterramento ilegal do Salgueirom.

01/06/2009 - Por informaçons recebidas no organismo anti-repressivo Ceivar, hoje forom detidas várias pessoas na mobilizaçom permanente d@s vizinh@s de Cangas ante as obras de Massó. As pessoas teriam sido levadas pola Guardia Civil co pretexto de fazer umha identificaçom. Polo menos umha pessoa ficou detida em poder do corpo militar español. Trátase de A. L. R., activista que participava na concentraçom pacífica na praia em protesta polas obras do porto deportivo. Posteriormente e ao comprovar a tardanza na sua libertaçom, as pessoas que forom a interesar-se por el forom informadas de que estava detido e acusado de coacçons. Continuamos agardando mais informaçom sobre o estado de A.L.R. que segue detido neste momento.

31/05/2009 - A sentença contra o secretário comarcal da CIG em Ferrol, Xesús Anxo López Pintos, deu-se a conhecer nestes dias após um juízo que se prolongou durante várias sessons. Finalmente, Pintos foi condenado por um delito de “atentado contra agente da autoridade” a 6 meses e um dia de prisom e por outro de “lesons” a 3 meses e um dia de prisom. Aliás, deverá “indenizar” o polícia espanhol que o agrediu com a quantidade de 1220.74€. O auto confirma o processo de perseguiçom sindical que a CIG veu denunciando nas últimas semanas. Por contra, todos os polícias implicados na cárrega que provocara em 2001 feridas e lesons a 20 mariscadoras de Mugardos saem livres sem cárregos.