19/05/2009 - O organismo popular anti-repressivo Ceivar quer manifestar publicamente ante a possível ilegalizaçom por parte do 'Tribunal Constitucional' de Espanha da candidatura Iniciativa Internacionalista – Solidariedade entre os Povos às Eleiçons Europeias de 7 de Junho de 2009 as seguintes questons que achamos de importáncia:

19/05/2009 - Poucas vezes escuitamos vozes tam claras quando a repressom aperta como a de Xesús Anxo López Pintos, secretário comarcal da CIG de Ferrol sobre o que pende umha condena a mais de 5 anos de prisom polo seu trabalho sindical. O juízo contra este dirigente sindical ficou onte visto para sentença após celebrar-se a quarta sessom do processo iniciado no passado 4 de Abril. A acusaçom contra Pintos é a de agredir, supostamente, um agente da Polícia espanhola durante as brutais cárregas que este corpo repressivo praticou em 2001 na praia da Barca de Mugardos contra mariscadoras que participavam num conflito laboral. Fiscalia e acusaçom particular mantivérom as suas petiçons de dous anos e meio e cinco anos e 3 meses de prisom, respectivamente.

15/05/2009 - O processo de criminalizaçom pública e ilegalizaçom que neste momento afecta a candidatura Iniciativa Internacionalista–A Solidariedade entre os Povos segue o seu curso. Últimas notícias anunciam que onte pola manhá o Governo espanhol apresentou no ‘Tribunal Supremo’, como mais um “indício” para ilegalizar a lista na que participam seis independentistas galeg@s, um editorial do diário ‘Gara’ que, segundo a ‘Abogacía del Estado’, demonstraria que a candidatura “responde aos desígnios da armaçom ETA-Batasuna”. Os magistrados do TS que decidem a ilegalizaçom deverám tomar postura antes da meia-noite de amanhá.

15/05/2009 - A greve estudantil de 14-M em defesa do ensino em galego ofereceu aos efectivos da Polícia espanhola mais um cenário para demonstrarem de que som capazes. As mobilizaçons celebradas em ambas cidades fôrom recebidas com aparatosos desdobramentos policiais que procurárom em exclusiva intimidar e coaccionar os centos de pessoas -maioritariamente, menores de idade- que exigiam um ensino integramente na nossa língua. O ‘pressing’ policial físico e psicológico sobre @s manifestantes, que reproduz o acontecido em 2008 por estas datas, é mais umha expressom de que como, quando é "preciso", as FSE aplicam à juventude galega a ‘repressom de baixa intensidade’.

14/05/2009 - A campanha de criminalizaçom que desde Dezembro iniciou o PP para encerrar os centros sociais compostelanos O Pichel e Henriqueta Outeiro e a Sala Nasa, acusados todos de “colaborarem com o terrorismo”, começa dar os seus frutos: após analisar exaustivamente a documentaçom d’O Pichel, o governo local da capital galega “descubriu” que o centro social carece do preceptivo elevador para discapacitad@s e anuncia que será encerrado se no prazo dum mês nom se instalar esta máquina. O seu custo é de 10.000€ e o primeiro abono de 5.000€ deve fazer-se nesta semana. A aplicaçom selectiva da medida interpreta-se como umha tentativa de contentar os fascistas locais.