|
|
 |
|
Bateeiros pedem demissom de Delfín Fernández trás as brutais cárregas policiais na Arousa
|
|
18/09/2008 - A orgia de violência organizada nesta terça-feira passada polas FSE –nomeadamente, pola ‘Guardia Civil’- no peirao de Vila Nova de Arousa, e pola que o jovem Juan Ramón Outeiral Tarrio se encontra hospitalizado com prognóstico grave na UCI do Hospital Clínico de Compostela, foi contestada onte com umha primeira assembleia dos produtores celebrada no Auditório de Vila Garcia. Por volta de 1000 bateeiros, segundo a plataforma Pladimega, que promove a greve actual, reunírom-se para denunciar a brutalidade policial e exigir a demissom do ‘Subdelegado del Gobierno de España’ em Ponte Vedra.
|
|
|
Bateeiro ferido em Vila Nova de Arousa polas FSE continua em estado grave com um traumatismo craneoencefálico severo
|
|
18/09/2008 - Juan Ramón Outeiral Tarrio, de 32 anos, é um dos bateeiros que resultárom feridos antonte por efectivos policiais espanhóis quando protestava contra a descárrega de mexilom para as empresas cozedeiras no peirao de Vila Nova de Arousa. Segundo as últimas informaçons que estám a difundir diversas fontes, o jovem padece um traumatismo craneoencefálico severo com um coágulo de sangue no cérebro e o seu prognóstico é grave. A agresom produziu-se quando a ‘Guardia Civil’ carregou contra bateeiros sentados na estrada para “despejar” o caminho dos camions que transportavam o bivalvo para as empresas.
|
|
|
Dezenas de agentes da Polícia espanhola e a ‘Guardia Civil’ organizam umha orgia de violência no peirao de Vila Nova de Arousa
|
|
18/09/2008 - Mais umha vez, as FSE, agindo em comandita, utilizam a violência selvagem para determinar a evoluiçom dum conflito social ao serviço de umha das partes. Os factos descorriam antonte no peirao de Vila Nova de Arousa, quando agentes ‘antidistúrbios’ de ambos corpos policiais carregárom em sucessivas ocasions contra os bateeiros que mantenhem a greve de subministro de mexilom às companhias transformadoras. Dezenas de bateeiros contusionados e vários com fendas abertas na cabeça é o primeiro balanço desta última actuaçom policial que leva o carimbo inconfundível de Delfín Fernández, ‘Subdelegado del Gobierno de España’ na ‘provincia’.
|
|
|
TS espanhol resolve que as FSE poderám aceder às redes P2P sem ordem judicial prévia e investigar “identidades crípticas”
|
|
17/09/2008 - Os dados que circulam através das redes P2P nom estám protegidos polo direito formal à intimidade nem o segredo das comunicaçons. Os rastejos informáticos sem ordem judicial prévia serám a partir de agora absolutamente livres para o ‘Equipo de Delitos Telemáticos de la Policía Judicial de la Guardia Civíl’. Estes dous extremos venhem de formalizar-se juridicamente após a sentença emitida polo ‘Tribunal Supremo’ espanhol que tem como pano de fundo e justificaçom a luita contra a produçom e comercializaçom da pornografia infantil.
|
|
|
Polícia espanhola carga violentamente contra manifestantes que exigem o retorno da ilha de Toralha ao património público
|
|
15/09/2008 - Várias pessoas golpeadas, umha conduzida ao hospital e múltiples identificaçons é o balanço repressivo da actuaçom policial contra @s manifestantes que neste sábado reivindicárom a passagem da ilha de Toralha ao domínio público. Por 2º ano consecutivo, respondendo à convocatória de Xogo Descuberto apoiada por várias asssociaçons locais, a reivindicaçom do carácter público de Toralha atopava à sua frente a violência institucional. O aumento da participaçom no protesto a respeito de 2007, chegando a duplicar a assistência, contestava-se da ‘Subdelegación del Gobierno de España’ em Ponte Vedra com mais polícia e mais intimidaçom.
|
|
|
|
