08/03/2010 - Três sóci@s do centro social O Pichel fôrom condenados a pagarem conjuntamente 460€ e submeter-se a 120 horas de ‘localizaçom permanente’ –eufemismo utilizado para designar o ‘arresto domiciliário’ franquista- por galeguizarem topónimos espanholizados em estradas próximas da capital. A acusaçom com que a juíza Ana López-Suevos pom base legal a este trato punitivo é que @s três cometeram “desluzimento de bens imóveis” ao restaurarem a toponímia própria. Trata-se da segunda ocasiom nas últimas semanas em que esta magistrada dita penas económicas e ‘arrestos domiciliários’ contra militantes nacionalistas.

27/02/2010 - A assembleia de solidári@s artelhada na comarca de Vigo após as recentes detençons dos independentistas Jurjo R. Olveira e Óscar Sanches continua organizando actividades. A próxima sexta-feira 5 de Março a partir das 20:00 h. convoca umha concentraçom anti-repressiva no bairro de Teis (perante o Centro Comercial Travessia) para exigir repatriaçom e liberdade para os independentistas presos. Após, às 21:30 h. celebrará-se umha ceia solidária no CSA O Guindastre (R/ Julián Estevez, 22, Teis,Vigo).

25/02/2010 - Ao igual que centenas de pessoas, colectivos e organizaçons deste País, a caixa de correios do organismo popular anti-repressivo recebeu na semana passada o correio de Flora Baena, irmá de Xosé Humberto Baena Alonso, jovem militante galego nas fileiras do ‘Frente Revolucionario Antifascista y Patriótico’ fuzilado polo fascismo em 27 de Setembro de 1975 em Hoyo de Manzanares (Madrid). A mensagem de Flora Baena anuncia-nos, 35 anos depois do assassinato de Xosé Humberto, que a sua família ainda deve continuar na luita para que o Governo espanhol decrete a nulidade do juízo no que Xosé Humberto foi condenado a morte.

24/02/2010 - A próxima sexta-feira 26 celebrará-se perante o edifício dos Julgados das Fontinhas (Compostela) umha nova concentraçom em solidariedade com a militante independentista e sindicalista da CIG Laura Bugalho. Recordamos aos nossos leitores e leitoras que Bugalho fora detida em 26 de Maio de 2009 por agentes da Polícia espanhola em relaçom à sua acçom sindical com trabalhador@s imigrad@s no nosso País. A detençom complementara-se com a entrada da Polícia espanhola nas dependências da central nacionalista e o domicílio da detia e a requisa de diversa informaçom.

19/02/2010 - O processo político-judicial iniciado contra o companheiro Rubém Meixide continua o seu curso. Nesta quarta-feira, o voluntário do organismo popular anti-repressivo comparecia nos julgados da Crunha com a sua advogada para lhe ser notificado o número do julgado que estará à frente do caso. Desconhece-se ainda a data do juízo. Aliás, comunicárom-lhe a imposiçom dumha “fiança pola responsabilidade civil” de 10.730€. O vizinho da Crunha está acusado de agredir um militante de extrema direita em Fevereiro de 2008.