03/06/2008 - A associaçom ultradireitista ‘Galicia Bilingüe’, que promove a eliminaçom definitiva da língua galega e a culminaçom do processo de substituiçom lingüística, vem de denunciar a Assembleia da Mocidade Independentista (AMI) nas dependências da Polícia espanhola em Vigo. O motivo da interposiçom da denúncia é o vídeo ‘Vilingüísmo’ onde se narra a luita dum fato de jovens galeg@s para defender a língua do País, parar o linguicídio e avançar face umha sociedade galega monolíngüe.

02/06/2008 - Segundo vimos de conhecer, funcionários de Puerto de Santa María I substrazérom da cela do preso independentista galego Ugio Caamanho documentaçom privada enviada a este polo seu advogado. O documento em questom é umha solicitude elaborada polo letrado que assiste Caamanho na que este exige o cumprimento do seu direito legal a permanecer num cárcere espanhol na Galiza. A substracçom produziu-se na passada semana e é a segunda ocasiom em que carcereiros desse penal roubam pertenças do preso político galego.

02/06/2008 - A juíza Amelia Maria Natalia Cortizo Moure e o fiscal José Luis Lojo Aller venhem de solicitar o arquivo provissório das diligências abertas contra o activista lingüístico P. M., processado por participar numha acçom de denúncia das responsabilidades da administraçom autonómica no processo de substituiçom lingüística. Segundo o próprio fiscal, “os factos denunciados carecem de todo apoio indiciário que acredite, incluso desse ponto de vista, os mesmos, nom constando dado algum das Diligências praticadas que permitam deduzir a realidade dos factos denunciados”.

02/06/2008 - Neste passado sábado, 45 pessoas assistiam à ceia de solidariedade com @s pres@s independentistas galeg@s celebrada no centro social O Pichel. O encontro de pessoas que, de distintos ámbitos políticos e sociais nacionalistas, participárom no acto serviu como posta ao dia da situaçom dos presos e a presa independentista galega actualmente dispersados nos cárceres de Aranjuez (650 km.), Brieva (550 km.) e Puerto de Santa María I (1100 km.).

29/05/2008 - Duas detençons quase simultáneas em Ordizia (Euskal Herria) e Sevilla (Andalucia) difundidas de forma maciça nas últimas horas através dos meios empresariais anunciam a que parece ser umha nova volta de porca das autoridades espanholas para o controlo político da Internet. Segundo as agências Efe e Europa Press, o departamento que preside Pérez Rubalcaba deu ordens a expertos informáticos da ‘Guardia Civil’ e a Polícia espanholas para extremar a vigiláncia sobre foros, portais, chats e páginas web de acesso público.