29/05/2008 - Por vezes parece que a consideraçom que merecem as palavras e as consequências penais que estas provocam residem mais em quem é que as pronuncia, e na respeitabilidade que a mídia lhe conceda, do que no que esse interlocutor esteja realmente a dizer. Assi, sem reconhecimento político dos meios ‘oficiais’, denunciar a existência da tortura pode supor rematar sentad@ ante um juíz especial em Madrid, como testemunham @s 27 cidadáns basc@s vinculados a Gestoras Pro-Amnistia e Askatasuna nestas semanas. No entanto, nada ocorre quando é a respeitabilíssima Amnesty International quem anuncia o evidente: que a tortura no Estado espanhol “é umha prática constante e estendida em todo o território”.

28/05/2008 - A vista oral do julgamento dos dous obreiros e militantes independentistas de Ferrol acusados de agressom ao ex-tenente de Alcaide de Ferrol pola direitosa Independientes por Ferrol, Juán Fernández, no curso dumha mobilizaçom dos obreiros de Izar foi adiado até final de ano.

28/05/2008 - O cárcere volve pairar como umha possibilidade sobre o futuro imediato de dous trabalhadores e militantes independentistas. Nesta ocasiom, trata-se de dous companheiros da comarca de Trasancos acusados dum suposto “atentado contra cargo público” na pessoa do político, empresário, ex militar e, na altura dos factos, primeiro tenente de alcalde de Ferrol, Juan J. Fernández García. Os factos datam de 14 de Setembro de 2004, quando o ex concelheiro da direitista IF se personava numha mobilizaçom contra a privatizaçom de Izar e a reduçom de empregos na factoria e a sua presença era repudiada por dezenas de trabalhadores.

27/05/2008 - Dando continuidade a umha prática iniciada nos últimos meses, o organismo popular anti-repressivo convoca para esta sexta-feira umha ceia popular no centro social O Pichel em solidariedade com @s quatro pres@s independentistas galeg@s. O acto, além da ceia, consistirá na projecçom dum audiviosual sobre os módulos de isolamento. A cita é para as 21:00 h. da próxima sexta-feira 30 de Maio. O preço individual é de 7€.

26/05/2008 - A ‘Subdelegación del Gobierno de España’ em Ponte Vedra, que preside o ‘socialista’ Delfín Fernández, ordenou na manhá de onte um amplo desdobramento policial na cidade de Vigo. Dezenas de agentes e carrinhas das ‘Unidades de Intervención Policial’ –os popularmente conhecidos como antidistúrbios- apostárom-se em diversas ruas próximas do percorrido da mobilizaçom em defesa da Ria convocada pola plataforma social ‘A Ria nom se vende’ e na que participárom vários milhares de vizinhos.