18/04/2008 - Trás a notícia facilitada onte, segundo a qual ‘Instituciones Penitenciarias’ dá mais um passo adiante no agravamento das condiçons carcerárias em que se encontra o preso independentista Ugio Caamanho, dispersado a Puerto de Santa María (Cádiz), a parálise e o vitimismo estám descartadas como estratégias de resposta. É preciso desde agora reforçar comunitariamente todas as fórmulas da solidariedade desenvolvíveis com o militante galego desde fora dos muros de Puerto I.

18/04/2008 - Saber ler entre linhas é umha exigência para qualquer um que quiger aventurar-se a sério na interpretaçom dos verdadeiros desejos e projectos das autoridades espanholas. O rei espanhol que Francisco Franco nomeara em 1969 como o seu “sucessor” na Chefia do Estado instava na passada quarta-feira aos deputad@s e senador@s das duas câmaras espanholas a trabalhar “com tesom” e situava as duas prioridades principais da agenda estatal para a IX Legislatura: manter unido o seu Reino e perpetuar o status quo neoliberal ante a crise que se anuncia.

18/04/2008 - Coincidindo com a celebraçom mundial do ‘Dia Internacional dos Presos e Presas Políticas’ neste 17 de Abril, Ceivar organizou na tarde de onte umha palestra na Faculdade de Geografia e História da USC à que assistírom por volta de quarenta pessoas. O decurso do acto serviu para expor a visom actualizada do organismo popular anti-repressivo a respeito do presente contexto repressivo e as suas previsíveis evoluiçons, assi como para informar sobre a situaçom penitenciária e judicial d@s pres@s independentistas galeg@s numha jornada em que se conhecia umha nova vulneraçom de direitos na pessoa do militante Ugio Caamanho.

17/04/2008 - Quando há escassos dias que os mais altos cargos do Executivo espanhol acabam de se fazer com as suas carteiras ministeriais, a equipa governamental começa emitir sinais concluintes a respeito de que pode aguardar o nosso povo dos novos gestores da situaçom. A respeito da matéria de repressom, direitos humanos e liberdades democráticas anuncia-se um endurecimento qualitativo. O preso independentista galego Ugio Caamanho será, provavelmente, um dos primeiros cidadáns deste País que sinta nas suas próprias carnes a nova volta de porca que se desenha desde Madrid.

16/04/2008 - Vam para quatro anos que umha delegaçom do organismo popular anti-repressivo se deslocara à localidade basca de Donosti para participar na ‘I Conferência Internacional sobre Presos e Presas Políticas’. Daquel encontro mundial prolongado durante dous dias de debates e comunicaçons e no que partiparam presos políticos e movimentos anti-repressivos dos cinco continentes, destacamos de umha óptica galega a solicitude por parte da conferência da liberdade para o daquela preso independentista Manuel Quintáns e a declaraçom do 17 de Abril como 'Dia Internacional dos Presos e Presas Políticas'.