02/04/2008 - Um importante despregamento da ‘Guardia Civil’ em Vedra impedia nesta manhá, por segunda vez consecutiva, que os operários da mina de Serrabal boicotassem a entrega das actas para expropriar os terrenos da mina. Recordamos que se trata dos últimos terrenos que nom eram propriedade do ‘Ministerio de Fomento’ e que o seu interesse principal é que se encontram na linha traçada entre Ourense e Compostela para a construçom do Trem de Alta Velocidade (TAV).

01/04/2008 - Os últimos meses som claramente indicativos dumha potencializaçom da repressom económica contra o tecido social e político independentista que tem directrizes institucionais. O último caso que evidencia a vitalidade desta vaga de sançons pecuniárias de origem governamental e judiciária encontramo-lo em Ponte Vedra, onde três jovens da organizaçom independentista Briga fôrom denunciados pola ‘Comissom contra a Violência, a Intoleráncia e a Xenofobia nos Desportos’ por desdobrar umha faixa denunciando os juízos contra antimilitaristas.

01/04/2008 - Mais umha vez, a força bruta e a violência imponhem-se à razom. Um nutrido contingente de antidistúrbios do instituto armado espanhol desalojou nesta manhá 200 trabalhadores da mina de Serrabal que tratavam de impedir ao ‘Administrador de Infraestructuras Ferroviarias’ (ADIF) iniciar a expropriaçom dos terrenos do jazigo afectados polas obras do AVE. Os operários, aos que se somárom outros das factorias de Ferroatlántica em Cée e Sabom (Arteixo), ambas propriedade de Juan Miguel Villar Mir, exigem ao ‘Ministerio de Fomento’ que mude o traçado da linha do AVE entre Ourense e Compostela para evitar a extinçom de 600 postos de trabalho directos.

31/03/2008 - O ‘Ministerio de Interior’ procura colocar infiltrados policiais nas fileiras das organizaçons independentistas galegas. Após a tentativa conhecida no ano passado, em que “pessoas do ‘Ministerio de Interior’” ofereciam trabalho fixo ao jovem A. Q. em troca de colaboraçom policial, e da que deu devida conta o jornal soberanista Novas da Galiza na ediçom de Dezembro de 2007, o mesmo meio soubo dumha outra tentativa de infiltraçom que publica no seu nº 64 correspondente ao mês de Março.

31/03/2008 - Poucas vozes tam claras como a do sociólogo belga Jean-Claude Paye denunciam neste momento o que ele risca de ‘Guerra Global contra a Liberdade’. Transparente nos enunciados, Paye afirma que a funçom das actuais legislaçons ‘anti-terroristas’ é “suprimir as liberdades fundamentais”. Recolhemos hoje no nosso portal a entrevista que a jornalista italiana Silvia Cattori realizou ao autor de ‘A fim do Estado de Direito’ e ‘A Guerra Global contra a Liberdade’. Um material de interesse e actualidade para aquelas pessoas preocupadas com a deriva liberticida dos Estados da Uniom Europeia e do espanhol em particular.