02/02/2010 - A assembleia de solidári@s artelhada na comarca de Vigo após as detençons de dous independentistas em Salcedo no passado 14 de Janeiro continua debulhando iniciativas. O próximo sábado 6 de Fevereiro a partir das 23:30 h. organiza um concerto na Sala Farándula (Praça de Portugal). Os ingressos recadados por esta actividade irám destinados na íntegra a financiar a defesa legal de ambos independentistas assim e enfrontar a sangria económica prolongada que provoca a dispersom carcerária.

01/02/2010 - Vários feridos de consideraçom é o balanço dos incidentes provocados nesta sexta-feira por efectivos ‘antidistúrbios’ espanhóis e neonazis do ‘Frente Atlético’. Os factos começárom 30 min. antes do início do Celta-Atlético de Madrid na caleja próxima da rua Manuel de Castro que é ponto de encontro habitual de membros de Celtarras. Até ali deslocárom-se sigilosamente por ruelas secundárias trinta neonazis armados com navalhas e objectos contundentes que, após avistarem o grupo de celtistas, começárom lançar sobre el@s garrafas de vidro.

01/02/2010 - Nesta passada sexta-feira 50 pessoas concentrárom-se ante o mercado do bairro viguês do Calvário para exigir mais umha vez repatriaçom e liberdade para os três independentistas galegos que actualmente se encontram em prisom. A concentraçom prolongou-se durante mais de umha hora que @s solidári@s aproveitárom para repartir 600 folhas informativas denunciando ante a vizinhança viguesa o cenário de repressom total que enfrontam Óscar Sanches, Ugio Caamanho e Jurjo Rodrigues nos cárceres espanhóis de Soto del Real (Madrid), Teixeiro e o “centro de menores” Los Rosales de Carabanchel (Madrid).

29/01/2010 - Informavamos no passado dia 26 dos excessos que o instituto armado espanhol está a cometer na comarca da Límia, segundo fontes vizinhais, desde a incorporaçom de novos mandos no quartel nos últimos meses. Registos corporais, entrada de numerosos grupos de ‘números’ em estabelecimentos hostaleiros, problemas para o exercício da liberdade de expressom, aplicaçom selectiva e até irracional de determinadas normativas, etc. Difundimos hoje umha das iniciativas de resposta a esta situaçom que se nos envía desde a comarca limiá.

27/01/2010 - Enquanto a língua do País enfronta as maiores agressons institucionais da etapa pós-franquista, dezenas de pessoas continuam a ser identificadas, sancionadas e julgadas em toda a Galiza por participarem na mobilizaçom social em defesa do galego. É o caso de activistas pró galego de Ferrol que amanhá serám processados sob a acusaçom de causarem “desordens públicas” durante a presença do grupo filofascista ‘Mesa por la Libertad Lingüística’ na cidade no passado 29 de Novembro.