05/03/2008 - As persistentes chamadas realizadas através dos meios polo alcalde da capital galega, Xosé Sánchez Bugallo, convocando à Justiça espanhola para que seja ‘mais dura’ na repressom da liberdade de expressom parecem encontrar ouvidos receptivos em certos juízes locais. Além do caso clássico do juíz Míguez Poza, a magistrada da Julgado de Instruçom nº 1, María Elena Fernández Curras, semelha somar-se à ‘cruzada’ e vem de sancionar independentistas ao pagamento de mais de 800€ por realizar umha colagem de cartazes à que atribue infracçons diversas.

05/03/2008 - Umha nova vulneraçom institucional do direito de manifestaçom e da liberdade de expressom –desenvolvida agora ao abeiro da normativa eleitoral- foi anunciada pola ‘Delegación del Gobierno’ na CAG para o vindouro sábado 8 de Março, Dia Internacional da Mulher Trabalhadora. Segundo a nota de imprensa publicada, a máxima representaçom do Executivo espanhol numha parte do nosso País proibe a celebraçom das mobilizaçons feministas convocadas para esse dia dada a “incidência política que, previsivelmente, teriam essas manifestaçons”.

04/03/2008 - A regressom que nos últimos anos experimentamos em matéria de direitos e liberdades da mao do Executivo ‘socialista’ espanhol conheceu nesta semana dous novos casos paradigmáticos. A Justiça espanhola solicitava duas sançons de 4000€ para dous activistas da Associaçom de Solidariedade com o Curdistám (ASK). A acusaçom que pesa sobre ambos é desdobrarem umha faixa com a legenda ‘Freedom for Kurdistan’ no encontro futebolístico entre o Celta e o Fenerbaçhe turco celebrado em Vigo em 31 de Novembro de 2006. A apariçom da faixa supugera no seu dia a interrupçom do sinal televisivo na Turquia.

29/02/2008 - A máxima alerta das FSE que Alfredo Pérez Rubalcaba anunciava há umha semana, coincidindo com o início do período eleitoral, afecta já nom apenas a toda a actividade pública nacionalista, mas, segundo indicam os factos, também a todo tipo de protesto. Uns 80 vizinhos e vizinhas do Ribeiro conheciam de primeira mao a aplicaçom desta directiva de Madrid por parte da ‘Subdelegación del Gobierno’ em Ourense: dezenas de agentes armados da ‘Guardia Civil’ rodeavam @s manifestantes quando defendiam a sua reivindicaçom à entrada dum comício do PSOE.

28/02/2008 - Na madrugada da passada terça-feira três jovens independentistas, membros do Foro da mocidade de Vigo, foram retidos de forma ilegal por espaço de duas horas. Especialmente violenta foi a retençom de J.R. que apesar de portar documentaçom e nom opor resistência à autoridade foi empurrado e esmagado contra umha parede, e levado à esquadra policial.