27/01/2010 - A ‘Comisión Nacional contra la Violencia en los Espectáculos Deportivos’ é um organismo dependente do ‘Ministerio de Interior’ cuja funçom formal é perseguir e punir actos de “violência”, “racismo”, “xenofobia” e “intoleráncia” nos espectáculos desportivos. No entanto, além dos objectivos com que se legitima publicamente, é sobretodo um instrumento político policial que aplica a censura e a repressom nos estádios. A recente imposiçom a dous siareiros galegos de sançons por valor de 5000€ demonstra, mais umha vez, qual é o jogo a que joga este organismo.

27/01/2010 - Observando o súrrio informativo que, dia a dia, consome a populaçom espanhola sobre os conflitos nacionais no Estado, resulta compreensível o grau de ignoráncia e embrutecimento que a caracteriza no referente a esta questom. ‘Libertad Digital’, meio electrónico de extrema direita com importante audiência em Espanha, apresentava antonte umha “reportagem” sobre o presidente da RAG e o tecido associativo independentista que é paradigma da informaçom-lixo que, também sobre a causa galega, se consome no país vizinho.

26/01/2010 - Definimo-los neste portal em mais de umha ocasiom como “força de ocupaçom estrangeira”, sem afám despectivo, mas tratando de refletir a realidade objectiva: a dum corpo militar alheio ao País que, historicamente, embora recrute a sua tropa nas comarcas mais deprimidas, tem asignadas entre as suas funçons a repressom e controlo das forças nacionalistas. Porém, umha caracterizaçom socialmente tam discutida como esta, adopta visos de descriçom do real quando milhares de pessoas contemplam factos e práticas como as que estám a suceder na Límia.

25/01/2010 - O encarceramento de Jurjo Rodrigues e Óscar Sanches, militantes independentistas detidos em Salcedo no passado dia 14 e, posteriormente, enviados a prisom pola ‘Audiencia Nacional’, desencadeou um amplo movimento de solidariedade na comarca de Vigo após as detençons. O repto agora é artelhar esta solidariedade num trabalho permanente de denúncia e mobilizaçom em favor dos presos. O programa de actividades e jornadas de trabalho organizado para as próximas semanas é o primeiro passo nesta direcçom.

19/01/2010 - Novos dados sobre a situaçom dos independentas galegos ingressados em prisom no passado dia 15. Dias após produzir-se as transferências de Jurjo Rodrigues e Óscar Sanches a Madrid, soubemos que o primeiro foi objecto de mal-trato policial durante a viagem forçosa que fijo à capital de Espanha num carro onde ia acompanhado por vários agentes. Também à chegada ao centro de menores Los Rosales de Carabanchel, onde se encontra recluido, tivo que suportar as práticas habituais neste tipo de estabelecimentos que tantas vezes tenhem denunciado ONGs e associaçons comprometidas na defesa dos menores.