Ceivar é umha organizaçom popular criada para a defesa daquelas e aqueles galegos que sofrem perseguiçom e repressom política, e especialmente para a solidariedade ativa com as presas e presos independentistas galegos. A repressom é consequência do conflito histórico entre um Estado ilegítimo e a ânsia de liberdade do nosso povo.

As nossas convicçons fundamentais som:

• O dever do povo galego de defender a sua existência e o seu território, e o seu direito à construçom dumha comunidade política livre e independente.
  
• O perigo que o capitalismo, o desenvolvimentismo e a sociedade de consumo representam para a existência e a dignidade dos povos, das pessoas e da própria Vida.
  
• A dignidade inalienável de todas as pessoas.
  
• A ilegitimidade da soberania espanhola sobre a nossa terra e sobre o nosso povo, da que deriva o nom reconhecimento da autoridade desse Estado para governar e fazer justiça no nosso país.
  
• O direito e o dever de desobedecer leis injustas.
  

Ceivar considera-se amiga de qualquer organizaçom que comparta algum destes princípios, e tenciona estar ao lado de qualquer galega ou galego que sofrer repressom por causa da sua defesa.

“Desejamos que a referência e o exemplo de Ceivar sejam ponto de encontro de novas e velhas geraçons de galegas e galegos insubmissos, e umha mostra sempre viva de como o arredismo sabe cuidar e defender a Galiza que luita.”

Coletivo de Pres@s Independentistas Galeg@s

Podes-te pôr em contato com nós através do seguinte formulário, ou bem por e-mail

Para que ninguém mais que tu e nós poda ler o que escreves, recomendamos-che que cifres a tua mensagem com PGP. Podes fazê-lo facilmente desde esta web: seleciona “Ceivar” em Recipient, escreve a tua mensagem embaixo, preme em “encrypt” e cola o resultado no campo da mensagem deste formulário, ou no e-mail que nos escrevas.

Please enable JavaScript in your browser to complete this form.

Nome ou Organizaçom *

Email *

Organizaçom Mensagem ou

Telefone

Mensagem *

Enviar